Жалақы есебін қалай баптауға болады

Poster жүйесінде қызметкерлердің жалақысын есепке алыңыз. Ол үшін жұмыс уақытының есебін баптаңыз, жалақыны есептеу тәсілін таңдаңыз және қызметкерлерге төленетін соманы қараңыз.

Жалақыны есептеу Business және Pro тарифтерінде қолжетімді.

Жұмыс уақытының есебін баптау

Сағаттық, ауысымдық ставканы және ауысым бойынша сатылым пайызын белгілеу үшін қызметкерлердің жұмыс уақытының есебін баптаңыз.

Жұмыс уақытының есебін баптау үшін:

1. Әкімшілік панелінде Параметрлер → Жалпы қойындысын ашыңыз.
2. Әкімшілік параметрлері блогында Қызметкерлердің жұмыс уақытын есепке алу тармағын белгілеңіз.
3. Сақтау түймесін басыңыз.

☝️ Қызметкерлердің жұмыс уақытының есебін баптамасаңыз, жалақы тек айлық немесе кемінде 1 түбіртек пробитталған ауысымдық ставка бойынша және жеке сатылымдардың пайызы бойынша есептеледі.

Жалақыны есептеу тәсілін таңдау

Қызметкердің лауазымына байланысты жалақыны есептеудің бір немесе бірнеше тәсілін таңдаңыз.

Жалақыны есептеу тәсілін таңдау үшін:

1. Әкімшілік панелінде Қолжетімділік → Лауазымдар қойындысын ашыңыз.
2. Қосымша лауазым жасаңыз немесе бар лауазымның қасында Өңдеу түймесін басыңыз.
3. Жалақыны есептеу блогында лауазым үшін тұрақты ставканы көрсетіңіз: сағаттық, ауысымдық, айлық.
4. Сақтау түймесін басыңыз.

💡 Қызметкерлерге түсімнен пайыз есептеп, оларды маржасы жоғары тауарлар мен тех. карталар санаттарын сатуға ынталандыру үшін Жалақыны есептеу блогында сатылымнан пайызды көрсетіңіз:

— Жеке, барлық немесе таңдалған мәзір санаттары бойынша қызметкердің сатылымынан % есепке алынуы үшін;

— Ауысым бойынша, қызметкердің жұмыс ауысымы кезінде сатылған барлық немесе таңдалған мәзір санаттарының сомасынан % есептелуі үшін.

Әр лауазымның жалақысын есептеуге әсер ететін тауарлар мен тех. карталардың санаттарын таңдау үшін Жеке сатылымдардың пайызы немесе Ауысым бойынша сатылымдардың пайызы қатарында + Санат қосу түймесін басыңыз, тізімнен мәзір санатын таңдап, оған пайыздық ставканы жазыңыз.

💡 Бірнеше мәзір санатын қосып, олардың сатылымынан әртүрлі пайыз баптай аласыз. Немесе қызметкерлердің жалақысын есептеуден шығарғыңыз келетін тауарлар мен тех. карталардың санаттарының қасында 0% қоя аласыз.

☝️ Жалақыны есептеу үшін қызметкерлердің ауысымының басталу және аяқталу уақытын тіркеңіз. Жұмыс күнін бастау және аяқтау үшін:

1. Жұмыс ауысымын ашу үшін Poster қосымшасына кіруге қызметкердің ПІН-кодын енгізіңіз.
2. Жұмыс күнінің соңында жоғарғы оң жақ бұрышта ≡ түймесін басып, Ауысымды аяқтау опциясын таңдаңыз.

Poster қызметкердің кассадағы белсенділігін емес, жұмыс уақытын есепке алады.

💡 Аспаздардың немесе тапсырыс қабылдамайтын басқа қызметкерлердің жұмыс уақытын есепке алу үшін кассаға қолжетімділігі бар лауазым жасаңыз.

Қызметкерлерге төленетін соманы қарау

Қызметкерлерге жалақы төлеу үшін жұмыс уақытын, ауысымдар санын, сатылымнан пайыздарды және қорытынды соманы қараңыз.

Қызметкерлерге төленетін соманы көру үшін:

1. Әкімшілік панелінде Қаржы → Жалақы қойындысын ашыңыз.
2. Жоғарғы оң жақ бұрышта күнтізбе белгішесін басып, жалақыны есептеу кезеңін таңдаңыз.
3. Айлық ставкаларды, жұмыс уақытын, ауысымдарды, сатылымнан пайыздарды және жалақының қорытынды сомаларын көру үшін ашылмалы тізімнен қызметкерлерді немесе лауазымдарды таңдаңыз.
4. Кестенің төменгі жағында Барлығы жолын қараңыз — таңдалған кезең үшін қызметкерлерге төленетін сома.

☝️ Қаржы → Жалақы қойындысы Қолжетімділік → Лауазымдар қойындысында жалақыны есептеу тәсілі таңдалғаннан кейін әкімшілік панелінде пайда болады.

💡 Қызметкердің жалақысы мына формула бойынша есептеледі:

айлық ставка / айдағы күндер саны × істелген күндер.

Мысалы, айлық ставкасы $1000 болатын қызметкер 15 ақпаннан 4 наурызға дейін жұмыс істеді. Poster төленетін соманы былай есептейді:

($1000 / 28 × 14) + ($1000 / 31 × 4) = $500 + $129,03 = $629,03.

☝️ Лауазымның жалақы ставкасын өзгертсеңіз, өткен кезеңдердің деректері өзгеріссіз қалады. Poster жалақы сомасын тек есептеу параметрлерін өзгерткеннен кейінгі кезеңдер үшін, яғни ағымдағы және болашақ кезеңдер үшін қайта есептейді.

💡 Жеке сатылымдардың пайызы түбіртекті ашқан қызметкер үшін таңдалған санаттардың сатылым сомасынан есептеледі.

Мысалы, даяшы «Салаттар» санатынан 5% табады:

— Дима түбіртекті ашып, оған $10 тұратын «Цезарь» мен $2 тұратын шырынды қосты;

— Саша осы тапсырысқа тағы $10 тұратын салат қосып, қонақтармен есеп айырысты.

Дима $1 = $10 × 2 дана × 5% тапты, себебі шырын «Салаттар» санатына кірмейді және түбіртекте небәрі 2 «Цезарь» салаты бар. Саша тапсырысқа бір салат қосқанымен, $0 тапты, себебі түбіртекті Дима ашқан, сондықтан пайызды осы сатылымнан ол алады.

💡 «Салаттар» санатынан 5% табатын даяшылардың ауысым бойынша сатылымнан пайызын есептеу мысалы:

— 10:00 — Дима жұмыс ауысымын бастады;

— 12:00 — данасы $10 тұратын 5 салат пен әрқайсысы $2 тұратын 5 шырын сатты;

— 18:00 — ауысымды жабып, үйіне кетті.

— 15:00 — Саша ауысымын ашты;

— 16:00 — әрқайсысы $10 тұратын 2 салат сатты;

— 19:00 — $10 тұратын 1 салат сатты;

— 21:00 — жұмыс күнін аяқтады.

Дима $3,5 = ($10 × 5 дана + 2 дана × $10) × 5% тапты, себебі өз сатылымдарынан және жұмыс ауысымының уақыты сәйкес келген Сашаның сатылымдарынан пайыз алды.

Саша $1,5 = (2 × $10 + 1 × $10) × 5% тапты — тек өз сатылымдары үшін жалақы алды, себебі Димамен ауысымдары қиылысқан уақытта әріптесі ештеңе сатпады.

💡 Жалақыны бір ауысымда әртүрлі лауазымдағы қызметкерлер бір мезгілде жұмыс істейтін ауысым бойынша сатылымнан пайыз ретінде есептесеңіз, жалақыны тек олардың жеке санаттары бойынша есептеп баптай аласыз: бармен үшін алкогольден — 10%, кальяншы үшін кальяннан — 5%.

Мысалы, қызметкерлер бір мезгілде жұмыс істеді, ал жалпы касса $10 000 = $4000 кальян және $6000 алкогольді сусын құрады. Кальяншы $200 = $4000 × 5% тапты, ал бармен $600 = $6000 × 10% тапты.

☝️ Ауысымда 1 кальяншы және 2 бармен болса, кальяншы $200 алады, ал екі бармен де бірдей жалақы — $600-ден алады. Тіпті олардың бірі 3 коктейль, ал екіншісі 110 коктейль сатса да. Себебі олардың жалақысы тауарлар мен тех. карталардың санынан емес, тек санаттар бойынша сатылым сомасынан есептеледі: кальяндар — $4000, алкоголь — $6000.

Әр қызметкер бойынша жұмыс уақытының статистикасын бақылаңыз.