Қоймадан тауарлар мен ингредиенттердің есептен шығарылуын бақылау үшін таңдалған кезеңдегі қозғалыс бойынша есепті қараңыз. Бұл — өнімдердің түсімдері, шығыстары және орташа өзіндік құны бар кесте.
Қозғалыс бойынша есеппен жұмыс Mini, Business және Pro тарифтерінде қолжетімді.
Тауарлар мен ингредиенттердің қозғалысы бойынша есепті қарау үшін:
- Əкімші панеліндегі Қойма → Қозғалыс бойынша есеп қойындысын ашыңыз.
- Жоғарғы оң жақ бұрышта күнтізбені басып, есептік кезеңді таңдаңыз.
- Асхана, бар немесе басқа қоймалар бойынша өнімдер қозғалысын және сол қоймадағы қалдықтардың өзіндік құнын тексеру үшін ашылмалы тізімнен қойманы таңдаңыз.
- Бір аккаунтта желінің бірнеше мекемесін біріктірген болсаңыз — мекемені таңдаңыз. Есепте таңдалған мекемеге байланысты қоймалардағы өнім қалдықтары көрсетіледі.
- Ашылмалы тізімнен түрді таңдаңыз: ингредиенттер, тауарлар немесе өндірілген тех. карталар мен жартылай фабрикаттар.
- Ингредиенттер, тауарлар, тех. карталар немесе жартылай фабрикаттар санатын таңдаңыз. Мысалы, қалдықтар түрі — «Ингредиенттер», санат — «Теңіз өнімдері».
- Қойма бойынша нақты өнімдер туралы ақпаратты қарау үшін + Сүзгі түймесін басыңыз.
- Есепте қандай бағандарды жасыру немесе көрсету керегін таңдау үшін жоғарғы оң жақ бұрыштағы ⿲ Бағандар түймесін басыңыз.
- Деректерді сұрыптағыңыз келетін баған атауын басыңыз.
-
Таңдалған кезеңдегі өнімдердің бастапқы және қорытынды құнын тексеріңіз.
- Түсімдер бағанында тауардың өлшем бірлігінің жанындағы ▼ белгішесін басып, жеткізілімдердің саны мен сомасын, өндіріс пен түгендеуді қараңыз.
- Шығыс бағанында ▼ белгішесін басып, сатулардың саны мен сомасын, қолмен жасалған есептен шығаруларды, өндіріс пен түгендеуді қараңыз.
- Кестенің төменгі жағында таңдалған кезеңдегі барлық өнімдердің қорытынды сомаларын қараңыз.
💡 Есепте тек таңдалған кезеңде шығыстары немесе түсімдері болған өнімдер көрсетілуі үшін Өнімдердің қозғалысы: Тек қозғалысы бар өнімдер сүзгісін таңдаңыз. Өнімдердің қалдықтары мен олардың нақты күндегі құнын талдау үшін Өнімдердің қозғалысы: Барлық өнімдер, соның ішінде қозғалысы жоқтар сүзгісін таңдаңыз. Қалдықтарды Қорытынды қалдық бағанынан қараңыз.
💡 Excel-кестесін жүктеп алу үшін Экспорт түймесін, ал есепті басып шығару үшін Басып шығару түймесін басыңыз.
💡 Ингредиенттер мен тауарлардың өзіндік құны жеткізілімдер негізінде орташа өлшенген өзіндік құн əдісімен есептеледі.
☝️ Ақпарат кассалық ауысым бойынша емес, күнтізбелік күн бойынша көрсетіледі.
Қойма өнімдерінің жарамдылық мерзімі өтіп кетсе немесе басқа себептер бойынша есептен шығару қажет болса — қолмен есептен шығаруды жасаңыз.