Webkassa бұлттық фискализациясы физикалық фискалды тіркеуішті алмастырады. Ол сатылым есебін жүргізуге, касса операцияларын бақылауға, кез келген принтерде фискалды чектерді басып шығаруға және деректерді салық органына жіберуге көмектеседі.
Webkassa-ны қосу және деректерді салық органына жіберу
- Жұмысты бастау үшін Webkassa жеке кабинетіне кіріңіз немесе аккаунт жасаңыз.
- Poster админ-панелінде Барлық қолданбалар → Webkassa бөлімін ашып, Қосу түймесін басыңыз.
- Параметрлер → Жалпы қойындысына өтіңіз.
- Әкімшілеу баптаулары блогында мына құсбелгілерді қойыңыз Салықтарды ескеру, Фискализацияны қолдану, Әдепкі бойынша фискалдық түбіртектерді басып шығару
- Сақтау түймесін басыңыз.
- Баптаулар → Салықтар қойындысын ашып, салық жасаңыз:
- Атауы — Жеңілдетілген режим;
- Пайыз — 3%;
- Түрі — Айналымнан, салық сомасы тауар бағасына енгізілуі үшін;
- Фискалды құсбелгісін қойып, Сақтау түймесін басыңыз.
- Салықты тауарларыңыз бен тех. карталарыңызға екі тәсілдің бірімен қолданыңыз:
- Мәзір → Тауарлар/Тех. карталар қойындысын ашып, әр мәзір позициясының жанындағы Өңдеу түймесін басыңыз да, салықты қолмен таңдаңыз;
- Тағамдар мен сусындарды Мәзір → Тауарлар мен тех. карталар санаттары қойындысында біріктіріп, салықты бүкіл санатқа қолданыңыз.
- Тауарларға ҰКТ кодын көрсетіңіз:
- Тауарға қандай код қажет екенін nationalcatalog.kz сайтынан тексеріңіз;
- Poster админ-панелінде Мәзір → Тауарлар/Тех. карталар қойындысын ашыңыз;
- Тауар атауының жанындағы Өңдеу түймесін басыңыз;
- ҰКТ өрісіне кодты енгізіп, өзгерістерді сақтаңыз.
❗ 2026 жылғы 1 қаңтардан бастап Қазақстан Республикасы нарығында тауарлар мен тех. карталар үшін ҰКТ кодтарын пайдалану міндетті талап болады.
- Poster қолданбасына кіріп, қызметкердің ПИН-кодын енгізіңіз. Жоғарғы оң жақ бұрыштағы ≡ белгішесін басып, Webkassa таңдаңыз.
- Webkassa аккаунтыңызға кіру үшін логин мен құпиясөзді енгізіңіз.
- Бұлтты фискалдаумен жұмыс істейтін кассаны таңдаңыз.
☝️ Алкогольмен жұмыс істесеңіз, кассада сыра сатқан кезде DataMatrix-кодты міндетті түрде сканерлеңіз. Бұл Қазақстан нарығында осы тауармен жұмыс істеу үшін міндетті талап.
💡 Webkassa-дағы фискалды чекті тексеру үшін жеке кабинетке кіріп, оң жақтағы Сатылым түймесін басыңыз. Төмен қарай айналдырып, соңғы 5 басылған чектің тізімін табыңыз. Poster-ден жасалған чек те осы тізімде болады.
Фискалды салықтары бар тауарлардан түскен пайданы бақылау үшін тауарлар бойынша статистиканы қараңыз.