Poster-та P&L қалай тексеріледі

P&L (profit and loss) — белгілі бір кезеңдегі мекеменің кірістері мен шығыстары туралы есеп.

Есептің толық нұсқасы, экспорттау мүмкіндігі және кез келген кезеңді таңдау жазылымнан бөлек қосымша тарифтеледі.

💡 P&L есебінде мекеменің барлық кірістері мен шығыстары көрінуі үшін аккаунтыңызды дайындаңыз.

Әкімші панелінде P&L-ді тексеру үшін:

1. Әкімші панеліндегі Қаржы → P&L бөліміне өтіңіз.

2. Оң жақ жоғарғы бұрыштағы күнтізбені басып, есеп кезеңін таңдаңыз.

3. Бизнесіңіздің кірістерін тексеріңіз: сатылымдар, қызмет көрсетуден түскен кірістер және транзакциялар.

4. Өзіндік құны бөлімінде сатылған тауарлар мен тех. карталардың өзіндік құнын, түгендеу нәтижелерін және қоймадан есептен шығаруды қараңыз.

5. Мекеменің маржасын тексеріңіз. Сатылған тауарлар мен тех. карталардың маржасы — кіріс пен сатылған мәзір позицияларының өзіндік құны арасындағы айырма.

6. Шығыстарды талдаңыз. Шығыстар эквайринг комиссиялары бойынша автоматты түрде жасалған комиссиялар мен транзакциялар сомасынан құралады.

7. Салыққа дейінгі пайда бөлімінде касса мен жеткізу бойынша сатылым салықтарын қараңыз.

   ☝️Қызмет көрсету пайызына салынатын салықтар есепке алынбайды.

8. Кестенің төменгі жағындағы Салықтан кейінгі пайда көрсеткішін қараңыз. Бұл — барлық шығыстарды ескергендегі таза пайда.

☝️ Есепте нөлдік мәні бар жолдар көрсетілмейді. Яғни кезең ішінде түбіртектерде өзіндік құн немесе шығыс транзакциялары болмаса, бұл көрсеткіштер P&L есебінде шықпайды.

💡 Есепті сомамен де, пайызбен де қараңыз. Пайыз кірістер мен шығыстардың әртүрлі санаттарының түсімге қатынасы бойынша есептеледі.

💡 Әртүрлі кезеңдердегі сома мен пайызды ыңғайлы салыстыру үшін бағандарды орын ауыстырыңыз. Ол үшін баған атауын басып тұрып, керекті орынға сүйреңіз.

💡 Пайда мен шығындар туралы есепті Excel кестесімен жүктеп алу үшін Экспорт батырмасын басыңыз.

Қаржыны бақылап, P&L-ді тұрақты тексеріп отырыңыз. Бұл есеп кірістер мен шығыстарды динамикада бақылауға көмектеседі. Мыналар үшін есепті апта сайын немесе ай сайын жасап отыруды ұсынамыз:

• Бизнесіңіздің қаншалықты пайдалы екенін бағалау. Ингредиенттердің өзіндік құнын, қызметкерлердің жалақысын, жалдау ақысын және басқа шығыстарды есептеп, оларды мекеменің кірісімен салыстырыңыз.

• Бюджетті жоспарлау. P&L бизнестің күшті және әлсіз тұстарын көрсетеді, сондықтан қажет болса стратегияны өзгерте аласыз. Мысалы, өнімге кететін шығынды азайтуға немесе жаңа қызметтерді енгізуге болады.

• Өзгерістерді талдау. Әртүрлі кезеңдердегі P&L көрсеткіштерін салыстыру қаржылық нәтиженің қалай өзгергенін бақылауға және оның себебін түсінуге көмектеседі.

P&L-де барлық кірістер мен шығыстар көрінуі үшін кассада және әкімші панелінде транзакцияларды қосып отырыңыз.

Есеп көрсеткіштерін жақсырақ түсіну үшін P&L қалай қалыптасатынын қарап шығыңыз.