Қызметкерлерге лауазым тағайындау үшін Poster-де әдепкі бойынша 6 лауазым бар. Оларға адмін-панель мен касса бөлімдеріне қолжетімділік құқықтары орнатылған:
— басқарушыда аккаунтқа және қосымшаларды орнатуға толық қолжетімділік бар;
— зал әкімшісі кассамен жұмыс істейді және залды басқарады: барлық даяшылардың тапсырыстарын көреді, өңдейді және жабады;
— иесінде аккаунтқа және қосымшаларды орнатуға толық қолжетімділік бар;
— қоймашыға «Мәзір» және «Қойма» бөлімдері қолжетімді;
— маркетолог тек статистикамен және маркетинг құралдарымен жұмыс істейді;
— даяшы адмін-панельге кіре алмайды, тек кассамен жұмыс істейді.
Қосымша лауазым құру үшін:
- Адмін-панельде Қолжетімділік → Лауазымдар қойындысын ашыңыз.
- Қосу батырмасын басыңыз.
- Лауазым атауын жазыңыз.
- Қолжетімділік беретін жүйе бөлімдерін немесе әрекеттерді белгілеңіз:
— кассаға, егер осы лауазымдағы қызметкерлер Poster кассасымен жұмыс істесе немесе залды басқарса;
— адмін-панельге және әр бөлім үшін жұмыс түрін таңдаңыз: қолжетімділік жоқ, тек қарау немесе толық қолжетімділік;
☝️ Қарау баптауы Pro тарифінде қолжетімді. Қызметкерлер адмін-панельдегі ақпаратты көріп, бірақ қоса, өңдей немесе жоя алмасын десеңіз, тарифті өзгерту үшін бізге чатқа жазыңыз. «Қолжетімділік жоқ» және «Толық қолжетімділік» барлық тарифте бапталады.
— қосымшаларға, қызметкерлер Каталогтан қосымшалар орнатуы үшін немесе курьерлер «Poster Курьер» қосымшасында жеткізу тапсырыстарымен жұмыс істеуі үшін. - Сақтау батырмасын басыңыз.
☝️ Егер лауазымға қызметкерлер бекітілген болса, оны жоймас бұрын қызметкерлерге басқа лауазым тағайындаңыз.
Ол үшін лауазым жанындағы ••• белгісін басып, Жою таңдаңыз. Содан кейін адмін-панель мен касса бөлімдеріне қолжетімділік құқықтары бар жаңа лауазымды көрсетіңіз.
Қызметкердің лауазымына қарай жалақы есептеу тәсілін таңдаңыз.