Skip to content
Қазақ
Back to joinposter.com
  • There are no suggestions because the search field is empty.

MikroTik роутерін қосу және баптау

MikroTik роутерін қосып, мекемеде жергілікті желіні баптаңыз, жабдықты қосыңыз немесе қонақтарыңызға бөлек Wi-Fi желісін реттеңіз.

Провайдер кабелі арқылы роутерді қосу және интернет қосылымын баптау үшін:

  1. Роутерді 220V желісіне қосып, қуат түймесімен іске қосыңыз.
  2. Провайдер кабелін роутердің WAN-портына қосыңыз.
  3. Роутерді компьютерге LAN-кабелімен қосыңыз немесе роутердің Wi-Fi желісіне қосылыңыз.



    💡 Роутердің Wi-Fi желісіне қосылу үшін тізімнен -123456 форматындағы желіні табыңыз, мұндағы 123456 — роутердің MAC-мекенжайының соңғы 6 таңбасы. Роутерді аударып қараңыз — MAC-мекенжай жапсырмада көрсетілген.

     

    ☝️ Роутер таратып тұрған Wi-Fi желісін таппасаңыз, роутер параметрлерін зауыттық күйге қайтарыңыз.
  4. Google Chrome немесе Safari браузерін ашыңыз.
  5. Мекенжай жолына 192.168.88.1 енгізіп, Enter пернесін басыңыз — роутердің веб-интерфейсі ашылады.
  6. Жоғарғы оң жақ бұрыштағы Quick Set өрісінде жұмыс режимі ретінде Home AP Dual таңдаңыз.
  7. Wireless блогінде сымсыз желіңізді баптаңыз:
    • Network Name өрісіне Wi-Fi желісінің атын жазыңыз.

      💡 MikroTik екі жиілікті диапазонда жұмыс істейтін болса, 2,4 GHz және 5 GHz желілері үшін бірдей атауды көрсетіңіз. Сонда құрылғылар жұмыс үшін оңтайлы жиілікті анықтап, қажетті желіге автоматты түрде қосылады.
    • Frequency өрісінде auto мәнін таңдаңыз.
    • Band өрісінде 2,4 GHz желісі үшін 2GHz-B/G/N стандартын, 5 GHz желісі үшін 5GHz-A/N/AC стандартын таңдаңыз.
    • Wi-Fi Password өрісіне сымсыз желіге қосылу үшін құпиясөз ойлап жазыңыз.

  8. Internet блогінде интернетке қосылу үшін WAN-портты баптаңыз. Провайдерге қосылу түрін таңдаңыз: Static, Automatic немесе PPPoE:
    • Automatic — роутер сыртқы IP-мекенжайды және басқа желі параметрлерін автоматты алады. Local Network блогін баптауға өтіңіз.
    • Static немесе PPPoE — провайдермен жасалған шартта көрсетілген желі параметрлерін қолмен енгізіңіз.

    💡 Қосылым түрін білмесеңіз немесе желі параметрлері бар шарт қолыңызда болмаса, провайдеріңізге хабарласыңыз.
  9. Local Network блогінде жергілікті желіңізді баптаңыз:
    • IP-адрес өрісіне жергілікті желінің мекенжайын жазыңыз. Мысалы, 192.168.1.1.
    • Netmask өрісінде ішкі желі маскасын көрсетіңіз. Мысалы, 255.255.255.0 (/24).
    • DHCP Server жанына белгі қойыңыз.
    • DHCP Server Range өрісінде DHCP-сервердің IP-мекенжайлар диапазонын белгіліңіз. Мысалы, 192.168.1.10 – 192.168.1.100.
    • Жергілікті желідегі құрылғыларға интернетке қол жеткізуге рұқсат беру үшін NAT жанына белгі қойыңыз.

  10. System блогінде MikroTik роутерінің веб-интерфейсіне кіруге арналған құпиясөз ойлап, белгіліңіз. Параметрлерді қолдану және роутерді қайта іске қосу үшін Apply Configuration түймесін басыңыз.

  11. Wi-Fi желілері тізімінде құпиясөзбен қорғалған жаңа атаулы желі пайда болғанша күтіңіз. Тізімнен желіні таңдап, интернетке қол жеткізу мүмкіндігі бар сымсыз желіге қосылу үшін құпиясөзді енгізіңіз.

  12. Браузердің мекенжай жолына жергілікті желінің жаңа IP-мекенжайын жазып, Enter пернесін басыңыз.
  13. MikroTik роутерінің веб-интерфейсіне кіру үшін логин мен құпиясөзді енгізіңіз.

  14. MikroTik роутерінің бағдарламалық жасақтамасы жаңартуларын тексеру үшін Check For Updates түймесін басыңыз:
    • Роутерде соңғы нұсқа орнатылған болса, System is already up to date жазуы бар терезе шығады.
    • Нұсқа ескірген болса, жаңа бағдарламалық жасақтаманы жүктеп орнату үшін Download & Install түймесін басыңыз. Орнатылғаннан кейін роутер қайта іске қосылып, жұмысқа дайын болады.

 

Жабдықтың жұмысы үшін тұрақты интернет ұйымдастыру мақсатында роутердің веб-интерфейсінде қонақ желісін жасаңыз және оның өткізу қабілетін бірден шектеңіз.