Cash flow — белгілі бір күндегі ақша қозғалысы мен шоттардағы қалдықтар туралы есеп. Мекеменің қаржысын бақылау үшін әкімші панеліндегі Қаржы → Cash flow бөліміне кіріңіз. Бұл есеп сізге көмектеседі:
-
мекеменің өтімділігін бағалауға. Cash flow міндеттемелерді жабуға қолда қанша ақша бар екенін көрсетеді. Бұл төлем қабілетін бақылауға көмектеседі;
-
болашақтағы қаржылық жағдайды болжауға және тәуекелдерді басқаруға. Cash flow есебін тұрақты қарап отырсаңыз, ықтимал мәселелерді ертерек байқап, шығындар мен қарыздарды жабу жолын алдын ала таба аласыз;
-
жұмыстың тиімділігін бағалауға. Әртүрлі кезеңдердегі Cash flow көрсеткіштерін салыстырып, мекеменің нәтижесін және қаржыны қаншалықты тиімді басқарып отырғаныңызды көресіз;
-
инвестицияны жоспарлауға. Cash flow арқылы жаңа жобаларға инвестиция салу немесе қолданыстағы жобаларды дамыту мүмкіндігін бағалаңыз.
Есепті өзіңізге ыңғайлы етіп баптаңыз:
-
Әкімші панелінде Қаржы → Cash flow бөліміне өтіңіз.
-
Оң жақ жоғары бұрыштағы күнтізбені басып, есепті кезеңді таңдаңыз. Мысалы, соңғы тоқсанды тексеру үшін қазаннан желтоқсанға дейінгі кезеңді таңдаңыз.
-
Ақша қозғалысын көру үшін ашылмалы тізімнен шотты таңдаңыз. Мысалы, кассалық ауысымдардағы карта төлемдерін және контрагенттермен қолма-қол ақшасыз есеп айырысуды тексеру үшін есеп айырысу шоттарын таңдаңыз. Ал толық есепті көру үшін Барлық шоттар тармағын таңдаңыз.
💡 Егер аккаунтыңызда бірнеше мекеме болса, есепті әрқайсысы бойынша бөлек тексеріңіз. Ол үшін сол мекемеге байланыстырылған шоттарды таңдаңыз. -
Есепте қай бағандар көрсетілетінін не жасырылатынын таңдау үшін оң жақ жоғары бұрыштағы ⿲ Бағандар батырмасын басыңыз: карта және қолма-қол ақша бойынша қозғалыс сомамен немесе % түрінде.
-
Әртүрлі кезеңдердегі сомаларды ыңғайлы салыстыру үшін бағандарды орындарымен ауыстырыңыз. Ол үшін баған атауын басып ұстап, керек жерге апарыңыз.
Барлық түсімдер мен шығыстарды тексеріңіз:
-
Түсімдер бөлімін басып, барлық кіріс санаттарын қараңыз: кассалық ауысымдар, банкеттерге алдын ала төлем, мүкәммал немесе жабдық сатудан түскен табыс.
-
💡 Сома жанындағы ▼ белгісін басып, ақша қозғалысының күндерін, сомаларын және ақша шоттарын көріңіз.
-
Шығыстар бөлімінде барлық шығыс санаттарын тексеріңіз. Мысалы, жалақы төлеу, коммуналдық төлемдер, жеткізілім ақысын төлеу, қызметкерлерге такси.
-
Кезең басындағы ақша және Кезең соңындағы ақша қойындыларында ақша шоттарының балансын қараңыз.
-
Кестенің төменгі жағындағы таза ақша ағынын қараңыз. Бұл — сіздің сальдоңыз, яғни кезең басындағы және кезең соңындағы шоттар балансының айырмасы. Мысалы, кезең басында 20000 ₸, ал соңында 26700 ₸ болса, осы кезеңдегі таза ақша ағыны +6700 ₸ болады.
💡 Cash flow есебі бар Excel кестесін жүктеп алу үшін оң жақ жоғары бұрыштағы Экспорт батырмасын басыңыз.
-
Шоттардағы қалдықтар мен ақша қозғалысын Cash flow есебінде тұрақты тексеріп отырыңыз. Толық басқарушылық есепті көру үшін транзакциялардың санаттары мен ішкі санаттарын баптаңыз.
Кірістер мен шығыстарды бақылап, мекеменің маржасын басқару үшін P&L есебін де қарап отырыңыз.